БЕЛО МИ Е ВО ДУШАТА.. Олга Наумовска

 

Амајлио на мојот живот
бела руба ќе ти облечам
цветен венец на глава ќе ти ставам
во пајтон ќе те седнам со бели коњи.

Песна на увце ќе ти шепнам
од суво грло изродена
со мирис и љубов закитена
ко монистра нанижана.

Цвет од бел багрем ќе откинам
врз гради ќе те закитам
со мирис ќе те опијам
со љубов ќе те нахранам.

Како цветот бел
белина во душа ќе излеам
со срмен конец
руба ќе ти навезам.

Во мракот ќе чекориме
ко два бели гулаби
оти белина ми е во душава
и бело на снага носам.

Бел е денот ко хризантема
и ноќта во бело ќе ја дочекам
со накит од бело злато
грло твое ќе наружам.

Македонија