Mirësia.. Silvana Çekiçi Rodi

 

Mirësi ndjenjë e bekuar
Vlerë të madhe  ke ti
Farën tënde kush e mbjell
Në  zemër  ka një  pasuri

Një shpirt bujar ,një zemër e bardhë
Një fjalë e ëmbël , një dorë e ngrohtë
që të ndihmon kur ke  nevojë
dhimbjen dhe vuajtjen ta lehtëson

 Në shpirt jeton mirësia
Lum kush e ka dhe e dhuron
Mes varfërisë të bën hero
Emrin njeri të lartëson

Ah sikur të kisha forcë
Trishtimin ta ktheja në gëzim
Lotët në buzëqeshje
Vuajtjen në mirësi
Sëmundjet në shëndet
Të qarat në këngë
Ligësinë në dashuri

Prandaj hapni portat e shpirtit
Mos u kurseni por dhuroni
Zemra njerëzish lumturoni
Kjo do të ishte një mrekulli