Прифаќалиште.. Suzana Suzi Kristina Đoruševska

 

Прифати ја надежта
изгорена од преговори... чиј си?
Долапите затворени, што не сакаат
крадешкум да проговорат.
Проголтнувам...
Посланите кротки креветчиња
не издржуваат од потта...
Железни солзи непрокапани
за животот и воздишки.
Работев... со болки... поткрепен
самиот во ѕидовите
ги пишував броевите
од скапиот подбир на годините.
Сакав да ја допрам двоумата
издлабена во мене од сирак
во жител на сонови...
Зашто јас дозволував
да ми ја проголтаат судбината
определена за мене.
Паѓајќи ја заскокоткав.
Сомнежите се повторија...
Јас не се завлеков во искушенија,
тие ме приковаа во себе.