نيسان وبلادي.. كتب: د. اليان سمعان بقلمه
رحلت كوانين الشتي ودفيت
النسمات
***---*** ولبست مروج هالضيعة فستانها الاخضر
واجا نيسان ضحك الكون
والنصبات
***---*** وعبا البراري ورود اصفر واحمر
وعصفورة ل فراخا عم تجمع
القشات
***---*** وعصفور لاحقها من الصبح المعتر
وطالب بيدرس للفحص شدشد
الهمات
***---*** عاسهرة بين رفقاتو قديش يتحسر
وصبية بحسنا والحلا خاوت
النجمات
***---*** لما خلقها الرب شو اعتنى وكتر
ناطرا الفرحة ملبكة بتضب
الجهازات
***---*** عرسها عالصيف بدا كتير تتحضر
وعلى مروج الحلا يسرحو
نحلات
***--- *** من رحيق زهورنا هالعسل يتقطر
وهونيك فوق ورودنا حامت
فراشات
***---*** سبحان رب الكون شو ابدع وصوّر
وزهر بلوز ضيعتا يحكيلنا
حكايات
***---*** وموسم العقابي نزل وخوخنا الاخضر
وشب وصبية المسا تلاقو على
النبعات
***---*** وهونيك كان العهد بعيونها تخمر
ويرجع عاشباك الحلم ويطول
السهرات
***---*** وعالهاتف يغازل حلاها وللصبح يسهر
شوفو قمر نيسان شو سمع
خبريات
***---*** وشمس الضحى تضحك والفجر يتاخر
الكون كلو ياربي بيمجد
بتسبيحات
***---*** وبقدرتك يارب الكون كلشي بيتغير
رجّع يارب الكون لمروجنا
البسمات
***--- *** يبست على الخوف رد البلد اخضر
******************************************
صباحكم ربيع المحبة والسلام
صباح الامل والخير
صباح الزهور
احبتي
الشاعر السوري المهجري ..
سفير اكاديمية السلام في المانيا .. مكتب كاليفورنيا
ليست هناك تعليقات
مرحبا بكم في الموقع الإعلامي للمنتدى الثقافي الدولي شكرا لتواصلكم معنا ولمشاركتكم الفاعلة
Welcome to the media site of the International Cultural Forum. Thank you for contacting us and for your active participation