ВЕТРОТ ВО МОИТЕ КОСИ.. Љубица Поповска

Улиците мирисаат на
виножито,
дождот запрел во пеењето
на својата арија.
Лутам од еден брег до друг
пд еден бол до друг.
Лутам уморна од солзите
на дождот,
од солзите на болот...

Патуваш по моето
наборано чело...

Сакам мир
да се всели
во мојот немир.

Чувствувам тиха пловидба
на ветрот во моите коси.

Благодарам ветре
што ме освежи
во мојот немир!!!

Автор: Љубица Поповска