عربش عاكتف المجد.. كتب: د. اليان سمعان بقلمه

شاعر لبنان الملهم الاستاذ الكبير
... نزار فرنسيس ...
تحية تقدير واحترام لشخصك الكريم
استاذنا الفاضل
اطربني الحرف الساحر البديع
في رائعتك
------- عربش عاخد الشمس واكتبلي --------

التي كتبتها لمجد لبنان

----------------------------------------------
سمحت لنفسي بهذا الطلب .
تقبل بعض حروفي
.......................................................
استاذنا فرنسيس ياريت تسمحلي
---==0==--- اطبع على جبين الارز قبلة

---

حرفك نهر صافي ومعدل الميزان
---==0==--- اسمحلي بعد مافيك رحب وهلي

---

حب ووفى ابعت للغالية لبنان
---==0==--- ل جبال توب الغار لبستو حلة

---

لبنان نبع العلم والفن والالحان
---===0===--- وكاسة عرق سكران عاكتف زحلة

---

بقلبي سكن لبنان عطر الارز عشقان
---==0==--- دخلك ياعدرا الجبل عابلادنا طلي

-----------------------------------------------

كنن عاخد الشمس كتبو اسم لبنان
---==0==--- شوف القمر بالشام رافقو برحلة

حصن الشرق عنا والمجد منصان
---==0==--- بدنا قصيدة غزل عالشام تشرحلي

ياشام قلعة شرف اكتب العنوان
---==0==--- واكتب ضميرك شوف شو بتستحلي

---

من قاسيون العز بلش

الديوان
---==0==--- وكمل عاجامع امية وبكنايسا صلي

بولس عاسورا ملى القلب

ايمان
---==0==--- لايبشر باسم الرب هارب بسلة

دم الشهادة عطر بيفتح

بنيسان
---==0==--- هلكو رجالا الترك وجيوش محتلة

واكتبلها للشام فيها الحلا

سهران
---==0==--- انتي عروس الشرق بمجدك تجلي

بالسويدا رجال متل الصخر

صوان
---==0==--- سلطان باشا القال ل فرنسا ولي

بدك حلا بتزور سهولنا

بحوران
---==0==--- فيها الكرم والطيب بالضيف بتهلي

وكمل عاحمص العدية فاتحة

الصيوان
---==0==--- ومعليش لو تسرق من وردها فلة

ومروق عاتدمر فيها المجد

غفيان
---==0==--- كانت عاقلب الروم بالشرق علة

ناعورة حما زورا واشرب

الفنجان
---==0==--- قهوة رجالا بهيل مابيعرفو الذلة

وبحلب عيش الطرب عطرها

ريحان
---==0==--- بسواق عطرا غار بتكمل الرحلة

بالادقية سهار شوف البحر

سكران
---==0==--- فيها بيحلى الغزل هالنظر ملي

قديسنا مارون عادراج السما

عليان
---==0==--- قبرو بارض براد بارك الغلة

غلة جزيرة قمح مابتعرف

الحرمان
---==0==--- بنيو الكنايس حصن عاكل تلة

لو جيت بدي عد قديش في

بلدان
---==0==--- عطرا مواسم حرف شوفها وقلي

شوف عنا كيف تعانقو

الاديان
---==0==--- ايد وحدة الكل شي الف ملة

لاتخاف لو عالشام تكاثرو

العدوان
---==0==--- راح تبقى بعين الكل تخرز مسلة

معليش لو هيك نتفة تزاعلو

الخلان
---==0==--- راح يرجعو اخوات عالصلح حلي

قبلة حضارة الشام عامدى

الازمان
---==0==--- والناس لو صلت بتعرف القبلة

الشام راح بتقول ياشاعر

الوجدان
---==0==--- عربش عاكتف المجد جود واكتبلي

~~~~~~~~~~~~~~~~~~~~~~~~~~~~~
الشاعر السوري المهجري

---  ---
فنتورا ... لوس انجلس ... كاليفورنيا
2017 / 6 / 6