همسات وطن.. كتب: د. اليان سمعان بقلمه
انتي وانا ياحب جينا
بطيارة
---==0==--- تركنا الوطن وانقطعت اخبارو
---
ضاع العمر دمعة والغربة
خسارة
---==0==--- والقلب محروق بيقلّب افكارو
---
ماكنا منعرف شو الغربة
واسرارا
---==0==--- والفرح نسيان طلعة نهارو
---
غبنا وصرنا باسم كبير
نتدارا
---==0==--- ومنشتاق للبيت نبوس حجارو
---
اشتقنا لريحة هيل وقهوة
الجارة
---==0==--- نشرب سوى وجيرانها يغارو
---
اشتقنا بالحلم نرجع على
الحارة
---==0==--- وجار الصبح بيرحب بجارو
---
غدر فينا الزمن والايام
دوارة
---==0==--- ياترى حباب القلب وين صارو
---
ياحلوتي قومي لانرجع ليش
محتارة
---==0==--- دمع غربتنا نشف طفّحت جرارو
---
الناس متل طيور بتحن
لديارا
---==0==--- ال بيغيب عن بيتو بيقل مقدارو
---
--------------------------------------------
صباحكم عودة الاحبة
صباح الامل
اصدقائي
سفير السلام في كاليفورنيا *
* سورية
ليست هناك تعليقات
مرحبا بكم في الموقع الإعلامي للمنتدى الثقافي الدولي شكرا لتواصلكم معنا ولمشاركتكم الفاعلة
Welcome to the media site of the International Cultural Forum. Thank you for contacting us and for your active participation