ОВАА ПРОЛЕТ.. Љубица Поповска

 

Насмевката на утрото
зачекорила во мојата
соба.
По некој пролетен
сончев зрак
залутан над мојот кревет
си поигрува со
косата моја
како некогаш ти!

А пролетта ѕвони
со звукот на зеленото
ѕвонче,
исполнето со
тревен и цветен шепот.
Од негде доаѓа акорд
на љубовна песна.
Таа ми измами
“ моминска солза”
оросена од утрото
и зачувана во пазувите
на срцето скриена.

Некаде по патот
низ времето што мина
младоста ми се изгуби
- загина,
а моето срце и сега
по неа вика
со пригушен крик на
птица !!!

Оваа пролет за се’ е
крива!

 
         Автор: Љубица Поповска