КРИСТАЛИ НА ДУШАТА.. Менче Кадинец

 

Се искрши ете така
на ситни кристалчина
чиниш светкаа,
чиниш блескави беа,
кристалчина ситни
од душата.
Дали ќе се пронајдат
сите свои да бидат,
сите заедно да бидат,
а се искрши
на сосем ситни кристалчина,
душата.
Ги спојував,
ги довикував,
со љубов ги мамев,
со насмев ги повикував.
Се пронајдоа ете
и љубов ми дарија,
тие кристалчина
на душата.
   ..
Македонија