ادمان.. كتب: د. اليان سمعان بقلمه
ادمنت عاحبك فيك القلب ولهان
-------- وعملت عشقك سكن للروح
وعيوني
***
شوقي الك متل الورد عطشان
-------- وحبك شراب الخمر عاغابة
جنوني
***
ادمنت حبك كيف مشيت بالشريان
--------- مرضان بعيون الحلا وفيهن
يداووني
***
خدني بحنانك ياحب شو بردان
------- سقيني من شفافك خمرهني
بيدفوني
***
وضلوع ترجف والليل شو خيفان
--------- صرخات همس العتم ياريت
نادوني
***
ماعاد اسمو حب صار القلب ولهان
------ عيونك ونجم الليل خايف
تقتلوني
***
حاجي تعذبني خلي القلب غفيان
-------- انتي وسحر الحلا بيكفي
تعبتوني
***
بشوفك وحرف الغزل شارد وحيران
-------- بسهر لوش الفجر اكتبلك
شجوني
***
اعزف لوجه الحلى ودوزن الالحان
------- نغمات هامت عشق بالجان
مسكونة
***
ادمنت عاحبك يازهّري بشهر نيسان
------- بغمزات عينو مرضت بالعطر
داووني
***
ادمنت عاحبك صاير متل سكران
------- عاباب خمارة غفي والناس
تركوني
***
ادمنت عاحبك شو صعب هالادمان
-------- مطرحك دافي تعا فرشتلك
عيوني
***
"""""""""""""""""""""""""""""""""
صباحكم ادمان حب
زهور السعادة
اصدقائي
...........................................
سفير السلام في كاليفورنيا
ليست هناك تعليقات
مرحبا بكم في الموقع الإعلامي للمنتدى الثقافي الدولي شكرا لتواصلكم معنا ولمشاركتكم الفاعلة
Welcome to the media site of the International Cultural Forum. Thank you for contacting us and for your active participation