НАСМЕВКА.. Милка Минкова

 

Насмевка чиста од срце излеана,
од љубов загреана
секому подарена
со сјај слеана..

Погледни ја, со погледот
допри ја,
ќе го стопли и срцето твое,
зошто насмевката ја дарува
од срцето свое.

Тоа нежно лице со насмевка блага,
да го допри и почувствува
секој би сакал.

Таа насмевка надеж дава,
за срца скршени,
за цели започнати,
недовршени.

Насмевни се и ти
и твоето лице нека сјае
дека ќе ги оствариш своите сни,
секој нека знае..

Насмевката, радост носи,
на осамени души пркоси
верба и ним им дава,
дека ќе најдат љубов права.