Р А З Д Е Л Б А.. Афродита Тоцили

 

Беше време
што не може
да се мери на саати.
Беше пролет
полна со мирис
на јоргован
и темјанушки.
Време на екстаза.
време што
лета низ просторот.
Сега е есен,
со сребро во косата
и несигурен чекор,
а наместо темјанушки
се шири мирис
на мртво лисје.
ми истана само желбата
да те сакам помалку,
но -
немам сили
за нова битка,
затоа што јас
откривам дека,
со секој изминат ден
те сакам се повеќе!

Афродита Тоцили (29.05.2021)
Скопје- Македонија - Европа
all rights reserved