РАЗДЕЛБА.. Љубица Поповска

Љубовта е чардак
ни на земја, ни на небо.
Ја дадов залог- поклон
иднината
за да ви направам пат
за вашите животи.
Секој си појде по својата
судбина.
Останав да живеам со невиноста
од заборавените играчки од
вашето детство на  животот
размислувајќи за
украдени деној и шепотот
на босите надежи
меѓу цветната пролет и
голите гранки на зимата.

Понекогаш во летните ноќи
како да слушам
крик изгубен меѓу врбите
крај реката.
Сигурно некоја ѕвезда паднала
во водата
жалејќи за направената грешка,
мислејќи дека оди во нечија
прегратка.

      Од најновата збирка “ Немири”
      Автор: Љубица Поповска