МЕСЕЧКО ВО ЛЕТНАТА НОЌ.. Љубица Поповска

 
Се појавува месечко
диригент на
ноќните шепоти
во прошетките летни
на заљубените
во песокот крај брегот.

Чекорат заљубените,
чекори и месечко
верен нивни придружник
сипајќи им златнина
во трагите песочни
љубов полни,
сведок на бакнежите,
прегратките и романтичниот
сјај во очите.

Не, не заоѓај месечко
заљубените ќе останат
во темнината на ноќта,
во летната ноќ
полна надевања.
Секогаш биди тука да им
бидат светли спомените.

      Автор: Љубица Поповска