KOHË.. Tyran Prizren Spahiu

 

...një ditë do dëgjoni
iki në amshim
ndaluni një çast, moment të vetëm
kujtoni Bohemin e Qytetit
dashnorin e të mirës, thjeshtësisë
modestin në jetë
pendën vendosni në bojë shkrimi, gjeni foto të rastit
u prehtë në paqe i yni mik, pasionant i shkronjave shqipnjë.

*Ata, qeveritarët, të thirrurit e shoqërisë
më kanë anashkaluar, bezdisur qetësinë
kurban kjofshin mosdijes, diskriminimit, varfërisë së sjelljes.
*
Jeta vazhdon, poezitë shkruhen
shpërndahen
lexohen me kërshëri
aty, mes vargjeve hijen time do e gjeni.
*
Mirëpritur nga Lidhja, Kroi i Shadervanit
ndaluni tek Ura e Gurit
një varg, vetëm një varg recitoni
puhiza e lumit do shoqëron në banesën tim të fundit.
*
I qetë do prehem, në hak askujt nuk kam hyrë
bukën e nevojtarit nuk kam ngrënë
kavanozëve të qelqtë të partisë, pasanikëve të rinj
kurrë nuk jam nënshtruar.
*
Përjetësinë kam gjetur fal shkronjtarëve të vërtetë
në olimpin e dijes
zenitin e moshës
vargjet janë derdhur tej horizonteve të paimagjinueshme
aty do jem, në vendin më të përkryer të Burimit.

Tyran Prizren Spahiu
Vargje poetike.
KALORËSI