ТИ СИ МОЈА МОЛИТВА.. Олга Наумовска

 

Р.С.Македонија

Под сенките на младата месечина
во темната ноќ,
соблечи ги грдите зборови
облечи ги во  бела  руба
 со тантели и бисери.

Јас знам,
Ти немаш душа ,ти немаш срце
да го изгасиш пламенот на љубовта
во потокот што жубори низ жилите

Во етерот на топлиот ветер
низ карпите на вечноста
со факелна лутина, ќе го стопиме
црвениот мраз во нашите души.

Вечна снегулка
што се топи во шепотот мој...
Моја амајлија
моја молитва си Ти...

Блескаш како искра
во мракот
под пламениот јазик
на свеќата за славје.

Ти си моја љубовна бајка
бунар на радост и среќа
шарен ѓердан од бисери,
Ти си моја молитва за навек.