ЉУБОВЕН ЗАПИС.. Љубица Поповска

 

Утрото никна низ превезот
на распеаните бои на
цветовите и житата полски.
Житата шират насмевки
со сончевина полеани.
Цветовите танцуваат во високата трева
со ветрето прифајќајќи ја
неговата игра
се лулеат и на неговите гради
се наслонуваат.

Крај патот полегнала тревата од
нечии забрзани чекори кон
ко нежната разбранетост на
житата,
кон сонот на божуриката,
со искри и плам на воздишки
и вљубени погледи сплет.
Од длабочината на житното поле
се слуша песна и нечиј кикот и смеа.

Во светлината, сончевината и
жештината летна
љубовта како запис
останала во зрелите жита,
како игра меѓу
врелите дојки на жнеачките
и силниот порив на косачите
на тревата
во кои се разиграле пеперутките
на љубовта,
како заробеници на моменталната
страст и раскажаната
љубовна сторија на една младост
со развигор во косите на времето
во летнината жешка,
љубовта оставена  по нивите
и меѓите како младешки спомен.

   Од збирката во припрема “ Меѓа на животот”
     Автор: Љубица Поповска