ВИСТИНА.. Љубица Поповска

 

Тогаш кога со радост
и’ ги украдив на Пролетта
првите темјанушки
за да ти ги подарам тебе
ја сретнав вистината на патот.

И во ова ново утро пак
ја прочитав неа во
твоите очи и на твоето лице.
Погледот замаглен,
и ѕидот на молчењето,
го донесоа крајот на визијата
на заедничкиот пат.

Премолчена измама
е слика на твојата лика.
Твоето безделничење
ја смени бојата
на времето на животниот
тек
во домот свет.
Надежите и спомените
се одвеале како мирисот
на исушен цвет,
како изгубени траги кои
пешачат
по нашите сеќавања.

Мелбурн - Австралија