Për një jetë të re.. Silvana Çekiçi Rodi

 

Kam ëndërruar  dhe luftoj
Një botë të mirë të ndërtoj
Një jetë të bukur në realitet
Ku njerëzit të jetojnë të  lirë vërtet

Që të ndryshojë kjo botë
Më parë duhet të ndryshojmë veten tonë
Të jemi njerëz me parime me vlera
Tju vëmë flakën, ti djegim padrejtësitë, luftrat
 intrigat ,djallëzitë.

Në planetin tokë  jetojmë të gjithë
Një udhëtim bëjmë nga lindja deri në përjetësi
Na shkon jeta o njerëz fatlum
Gjysma punë e gjysma gjumë

Entuziazmi na pushton kur dëshirat realizojmë
Sukseset na gëzojnë  më shumë na mobilizojnë
Sfidat e jetës më lehtë i përballon
Kur jetën në sy pa frikë e shikon.

Duhet të bëhemi të gjithë tok
Planetin tokë ta mbrojmë, një jetë të re të ndërtojmë
Për ne dhe për brezat që vijnë
Pemën e jetës  të gjelbëruar , të lulëzuar  tju lemë