Cili është faji im ??.. Silvana Çekiçi Rodi

 

Më thoni cili është faji im
Bëj gjithçka për dashurinë
Ky shpirt i dlirë i thellë pus
Dashuron me pasion ,  të mëkatoj më detyron

Të puth të puth, me shpirtin prush
Të përqafoj dhe nuk ka fund
Kjo dashuri është magji
Na shkrin të dyve si qiri

Jam në çdo rrahje të zemrës tënde
Jam oksigjeni që ti  frymon
Të dua me besë , s'dua zhgënjim
Je dashuri e shpirtit tim.

Vitet kanë rrjedhur si lumë
 Çdo gjë është transformuar
Vetëm një gjë nuk ka ndryshuar
I vetmi faj  , shpirti  im pas teje dashuruar !

 Autori  :Silvana Çekiçi Rodi