ПРОЛЕТ.. Љубица Поповска

 

 Пролет
го отворам прозорецот,
влези во мојата душа,
мојот дом, мојот двор.
Балконот заќити ми го
со цветни шепоти
одново да заживее во
твојата убава секојдневност,
со твојот цветен портрет и ги
намамиш воздишките на
природата да влезат во домот!
И желно посакувам жедта од срцето
да ја извлечам,
симфонијата од пролетниот
дождец
која срцето мое може да ја чуе,
тагата да ја измие и радоста
откината од душата пак
да се врати!
Пролет,
донеси ми ги сите Иванден
цвеќиња
здравјето и свежината со мене
пак да бидат!

     Автор: Љубица Поповска