ШТО Е ПОЕЗИЈАТА?.. Олга Наумовска

 

Р.С.Македонија


Поезијата не го обојува светот
Таа му дава смисла за опстојување
Таа е вратата од каде излегува
Тагата и радоста
Убавото и грдото
Доброто и злото
Смртното и бесмртното
Светлината и темнината
Им ја отвора вратата на
Несреќните и безнадежните
го опишува шарениот дух
 на човештвото
кој надоаѓа како надојдена суводолица
која го буди чувството
кон убавото, реалното
а не со трули мисли
да им го одзема спокојот...
поезијата е средство за мир
љубов и среќа и емоции
таа е разиграна пеперутка
која го збира нектарот
од разнобојните полиња на умот
поезијата е пчелка
која го збира поленот
од цветните полиња на литературата...
а поетите се тие
кои умеат да го восприемат
и да го спакуваат на начин
достапен до сите уметнички души
Поетите се уметници,
а поезијата е море без дно
загатка во џемперот на енигма
моќни чувства исткаени во стих.