ДОЛГИ ГОЛГОТИ.. Suzana Suzi Kristina Đoruševska

 

Јас не плачев додека жеднеев,
барав добрини
во пивката тага што не ја испив,
само ја посакував.
Пријатели што сте се збрале,
истрајте,во тишини со магнетни
порои на доверби, истрајте,
тагите за битки изгубени,
надживејте ги,
усни од тажење имате,
ама глас не испуштајте,
за закрепа, домови
со покриви избирајте.
Долги голготи долги патеки
издлабиле, а патот е ист за сите
од прокоби до вжештени надежи.
По сите голготи
најпосле да осамнам,
да не изгаснам..