وصية للعمر - قلّع حجار.. كتب: د. اليان سمعان بقلمه

ّقلّع حجار وشوك وكلشي بيجي
بدربك
)))---==0==---((( عبّد طريق الحب والعز لاولادك

خلي الناس الحواليك كلها
تحبك
)))---==0==---((( صيت الكرم والجود بيوصل لاحفادك

اوعاك تترك وراك ابنك
ملبك
)))---==0==---((( اوعاك تبدا الغلط وتزيد بعنادك

السرقة حرام ونار الكل
بيسبك
)))---==0==---((( باب السجن مفتوح القرش مافادك

رضا الاهل شموع بينورو
دربك
)))---==0==---((( كلمة عطف منهن بتحقق مرادك

والزنى ولعب الورق بيغضبو
ربك
)))---==0==---((( بتصير اهل البيت يشتهو بعادك

اوعى رفيق السوء يلعب
بقلبك
)))---==0==---((( يلعب على مالك بيكون صيادك

ساعد فقير وجار الكل
بيحبك
)))---==0==---((( الله عطاك كتير البخل شو زادك

رب المجد من فوق يسكن
بقلبك
)))---==---((( خلي الكرامة درب تايلحقو ولادك

خلي الناس تقول ما انضفو
دربك
)))---==0==---((( هيك بيّك كان وهيك اجدادك

~~~~~~~~~~~~~~~~~~~~~~~~~~~~~
صباح الوفا والمحبة
صباح السلام
صباح
النور

..............................................................

الشاعر السوري المهجري -

سفير اكاديمية السلام في المانيا .. فرع كاليفورنيا