ИЗГУБЕНИ ВО МОЛИТВАТА.. Љубица Поповска

Вистината како гладно
дете
оди денес боса по улиците
на светот.
Молитва не може да се
слушне
од вакумот на бедната тишина
на изгубените надежи и
неизвесност
во ова време на Короната.
Ова разуздано нејзино време
и лудите глави
никој не може да го впрегне
во колосекот на разумот и
љубовта.
Таа, Короната раширила
страв и
неизвесност меѓу сите нас.

Го берам здивот во себе
да не се слушни олујата
која беснее во мене,
неможејќи ништо да направам.

Што станува со Иднината наша,
на децата сегашни,
а на идните поколенија...

Малаксана сум од чекорењето
несигурно
во секојдневието без надеж!?
Веќе парчиња од неа, надежта
ми заглавиле во грлото,
а остатокот ме грчи во стомакот
како лоши ноќни пеперуги...

     Автор: Љубица Поповска