ЗИМСКА ИДИЛА.. Blagica Velkovska

 

Една куќичка мала во шумата
сокриена со бел килим покриена
Околу неа дрвјата се наведнале
 снеговите им натежнале
Покрај куќичката гордо стојат
 и минувачите ги бројат
Колку луѓе куќичката ја посетиле
Колку пати нејзините светилки засветеле
Колку пати оџакот зачадил
Колку пати од бунарот вода се
 вадила и градината се садила
Сега околу неа траговите стојат
 можат на снегот да се избројат
Преку ноќ со ѕвездите и месечината
 другаруваат заедно се чуваат
А наутро кога ќе блесне сонцето
траговите ќе почнат да се кријат
ке ги снема сонцето ќе ги зема
Луѓето кога ќе дојдат други
трагови по снегот ќе појдат
И се така додека е зима
и додека снег има