رمشة عين.. كتب: د. مروان كوجر بقلمه
بحبك بكل رمشة عين من عيون البشر
بحبك بكل خصلة ليل على اكتاف القمر
بحبك ورد نديان من زخة مطر ،
وبكل نسمة عطر هفت بالخبر
بحبك بنور نجوم غارت من قمر
وبكل دقة قلب من قلوب البشر
بحبك انا تعبان بعدك من حكم القدر.
كتبت لخلاني الخبر .... وجعان القلب وانكسر
وسهرت ليلات القمر .... هيمان السمع والنظر
لا تتركِ هل القلب في حر الصحر
فصاحبك عطشان والقلب انكسر
بحبك وانا الشقيان من غاب السمر
هجرك طويل وصار قلبك من حجر
بحبك بكل غنوة شوق غنت عالوتر ،
وبكل نسمة صيف نادت للسهر
بحبك بكل ورقة غصن نامت عالشجر
وبكل كلمة حب طلعت من بشر
حنيت لنزول المطر ... يبسان الورد والشجر
سلمت العمر للقدر ... وهجرت العزف والوتر
بحبك قصيدة شعر بحروفها غنت عبر
بحبك بنسمة ورد فاح عطرها وانتشر
بحبك سحابة صيف حملت بِجِنْحَاتَا المطر
بحبك بطلة شمس نورها صحى البشر
بحبك بصوت البحر وبتغريد بلبل عالشجر
بحبك بوسع السما والرمل ونجوم السمر
بحبك ببعد الكون وبعدد حبات المطر
بحبك عدد الرومش وما خلق ربي من بشر
قصيدة غنائية
ليست هناك تعليقات
مرحبا بكم في الموقع الإعلامي للمنتدى الثقافي الدولي شكرا لتواصلكم معنا ولمشاركتكم الفاعلة
Welcome to the media site of the International Cultural Forum. Thank you for contacting us and for your active participation