МЛАДЕШКА ЉУБОВ.. Љубица Поповска

 

Еден крај друг одат
и самите не се
слушаат што зборат.
Важно е еден до друг
да се тука,
а во главата мислите
кој знае во каква збрка.

Ликот негов му се вцрвенува,
му гори,
а срцето негово за себе
нешто си збори!

Птичји пој, ѕвезден сјај
пролетта во нив нема крај,
плашт мирисен, свилен ги гали
и младешки немири в срца им пали!

Чекорат и липите заедно
со нив во молк и со
пролетен здив,
сета пролет се вселила во нив!

Со поглед ја загрнува
гледајќи во чевлите,
а со крајот на окото
наоколу се обѕрнува.

А пролетното ветре им се смее
на руменилото што ги грее
и онака, за себе ко да пее
- Љубов е тоа, љубов!!!

Автор: Љубица Поповска