СОНУВАМ КО ДЕТЕ.. Љиљана Атанасова

 

И денот да денува и ноќта да ноќува,
и зима да зимува и лето да летува,
моето срце тагува.
Тагува за дните изминати,
за солзите од срце откинати,
за секој украден ден
што требаше да е радосен.
Се измешаа денот и ноќта веќе,
се вкрстија летно и зимско цвеќе.
и тагата поинаква стана, ете.
За радост и среќа сонувам ко дете,
сонувам ко дете.

Ги сонувам безгрижните дни,
волшебните детски сни,
утешниот мајчински збор,
цветниот татков двор,
дедовите приказни лесни,
бабините успивни песни...

Сѐ паметам ко вчера да било,
и од умот не се скрило.
Тоа е извор што ми дава сила
и денес да бидам она што сум била,
со разигран дух и мечти, ете.
За радост и среќа сонувам ко дете,
сонувам ко дете.

Автор: Љиљана Атанасова