ЛИПОВИОТ ЦВЕТ ПО БУЛЕВАРИТЕ.. Љубица Поповска

 

И оваа пролет сме дел
од меморијата на
патеките послани со
златест прашец и делови
од липов цвет.
Трепери во воздухот
мирисит на цветовите
кои искрат со тивка убост,
со нијанси на жолта боја и
сончев зрак
што се вплел во нив.
Пролетно ветре навлегува
играјќи во нив и со нив,
ги милува, ги љуби,
рашетува низ нив со
радост .

Ветрето, птиците кои
навраќаат во нив,
не’ орисуваат нас со
златестиот прашец од
липовите цветови,
паѓајќи ги оросуваат и
тревите и патеките,
клупите, канделабрите.

Насекаде е наоколу,
тој невидлив мирис
во и околу таа волшебна
убавина,
со допир нежен, мек
како свила
околу нас се обвива,
како отсјај на виножито
во капка роса .
Се внедрил во нас,
во душата, во мислите,
алиштата како
најскап парфем.
Се припива на кожата,
се трансформира,
се стопува како сон во
илузија на љубовта,
станува дел од соновите,
младешки,
рашетани по Булеварите на
липите.
 

       Автор: Љубица Поповска