ВЕТРОВИТЕ НА ВРЕМЕТО.. Милка Минкова

 

Ех, тие ветрови што минуваа

низ времето,

со себе ги носеа зборовите

речени , недоречени,

замислени, недомислени,

ткаени, недоткаени,

танцувајќи го својот танц

на тоа време.

Тој  што го чувам,

грст зборови кои

танцуваат на ветровите  на

времето, се зборовите што

чекореа заедно со нас

ткаејќи ја љубовта наша,

ко испреплетени нишки

на еден љубовен чин

од нашето постое,

танцувајќи за навек.