ЧЕКОР НАПРЕД.. Љубица Поповска

 

Брчки како на лицето
така и во душата
забраздиле.
Уморот од животот
полека налегнува на
снагата.
Сепак со новите надежи,
радости и вистини
кои животот ни ги дарува
се зајакнуваме во чекорот
напред и духот.
Внуците ни се  најдобрите
извори на радост и снага
со нивната насмевка и
душа блага.

Сакам уште да сум зелен
водоскок
во летната жега на животот.
Животот да го славиме  и
годините што минат да ни се
со добри спомени родни,
плодни.
Да пиеме од чешмата на
животот
интензивно, секој ден и
да не дозволиме минливоста
на времето
предвреме да ни ги искоси
тревниците на радоста.

         Од збирката “ Немири”
         Автор:Љубица Поповска