РОДЕНДЕНСКА.. Љубица Поповска

 

Спомените како
сонливи пеперутки
се разбудија пред изгревот
на сонцето.

Роденденот како
предизвик
за нов почеток во животот
дојде со нив.

Воздухот ми мириса
на надеж
како во младешките
години.
Станувам, но годините
тежат покрај радоста
што ги крепи за овој ден.
Ме престигна времето,
се топи како грутка
снег,
чекорејќи по линијата
испишана на дланките
од животот,
а како ехо ми одѕвонуваат
чекорите на изминатото
време.
Мислите ми се заробени
во прашањата
за нешто што можело
да ја стопли душата, а
не се случило и за уште
многу нешта
за животот да ми биде
подобар и поисполнет?!!!

Надеж, прочисти ми ја
душата
за да го зацврстам чекорот
во времето и иднината
до следните мои
Родендени ?!!!

      Автор: Љубица Поповска