ӘДЕМІМ... Мадияр ОСПАНОВ

 

Нұрлы, назды, сүйкімді,
Көздерің-ай әдемі.
Сырлы, сазды, сиқырлы,
Сөздерің-ай әдемі.

Қайта оралған көктемдей,
Жанарың-ай әдемі.
Қайталанған көк белдей,
Жамалың-ай әдемі.

Шарықтаған әуендей,
Әрбір үнің әдемі.
Жарық ғалам, әлемдей,
Жан жылуың әдемі.

Бағытымды балқытқан,
Әсемдігің әдемі.
Шабытымды шалқытқан,
Әсерлігің әдемі.

Жан-дертімді жаулаған,
Ән едің-ау, ән едің.
Әр сертімді баураған,
Әдемім-ау, әдемім!!!

(с) Мадияр ОСПАНОВ