ЕВЕ МЕ.. Blagica Velkovska

 

Еве ме повторно
куферот го спремав
веќе друго чаре немав
морав да соберам сили
и патот да го фатам.
Во роден крај да се вратам
да ги видам моите мили
Во роден крај да бидам
куќа да си видам
да поседам
под  нашата слива
која не е дива
 туку прекрасен род дава
кога е зрела црвена е цела
 под нејзината
 сенка да  седам
 сливи  да си берам да  јадам
 и од нив да  се сладам
Го посетив и моето
родно село
да си скинам цветче бело
а и друго некакво
зошто има секакво
Вода од извор пивнав
душата си ја разладив
и длабоко воздивнав
зошто сето тоа
назад ме врати
 во раната младост ме прати
на детските денови ме потсети
Покрај црешите  наминав
 и од нив  си скинав попат
а тие во уста се топат
душата си ја засладив
Ги посетив сите
 ливади и ниви
 и сите јаболка и сливи
 Од кои јадев
 и душата си ја сладев
Така посетата
 на моето родно село заврши
убави спомени
 си  понесов
и дома со себе
си ги донесов
 ќе ги чувам ќе ги негувам
 се до некое
наредно видување
до некое
наредно другарување
 

Автор:
Blagica Velkovska