МАЈКА ТЕРЕЗА… Љубица Поповска

         ЉУБОВ

И корен и гнездо
стана,
болката што по светот
лебди,
во твоето гнездо ја збра.
Љубов ти е името
и оној порив
што в душа го плетеш,
за воздишките на болните
и повикот нивни за помош,
нежност, нега.
За оние кои немаа
утеха своја
и во твоето патешествие
да ја најдат во твојот дом
- душата твоја.
Љубовта твоја, топол
џемпер да им сплете
и ги загрне и згрее
и на лицата нивни
насмевка да им слета.

     Автор: Љубица Поповска