КОГА.. Милка Минкова

 

Кога очите ќе го изгубат видот,
допирот ќе го препознае ликот твој.
Кога слухот не ќе може да допре до мене
усните ќе бидат говорот твој.
Кога одот не ќе може да чекори
раката твоја ќе биди потпора моја.
Кога секое сетило
се изгуби во времето
од непознатото
ќе се сеќаваме на спомените
од времето  на поминатото.
Ќе бидеме старци
што го чекаат својот мирен сон
на вечниот трон