МЕЃА НА ЖИВОТОТ.. Љубица Поповска

 
На меѓата на животот
застанав,
мислев да избегам од
дрскоста на луѓето,
од гневот собран во
мене,
од вистините и лагите,
од туѓите зборови кои
ми ја одредуваат судбината.

Мислев да ја прескочам
меѓата и се’
да оставам зад себе,
но по мене
се влечеше и понатаму
пајажината од пајакот
- живот
во која бев заробена,
кој ме сопираше во
мојот бег
за да пречекорам од
другата страна на меѓата
во НОВ ЖИВОТ.

Но ехото од вселената
каде е залутана судбината
ми вели:
- Без оглед на тоа што
ти се случува
ти си борец, а не жртва.
Секој живот е круг
од кој нема излез.

     Од најновата збирка во припрема “ Меѓа на животот”
        Автор: Љубица Поповска