ЉУБОВТА Е МОРЕ БЕЗ ДНО.. Олга Наумовска

 

Р.С.Македонија

Волшебни крикови на мракот
кој со раширени крилја
ги надлетува морските води.

Како осамена лотка
се борам со брановите
кои танцуваат
во стилот на разиграно ветре.

Одспротива го слушам
гласот на тишината
која зборува повеќе
од најголемиот оратор на светот.

Твоите воздишки
толку волшебни
што го магнетизираат
мојот заскитан поглед.

Слушнија легендата
за заљубените гулаби
кои во духот на човечкото битие
место зборови
писма љубовни носат...
А во нив напишано:
„Љубовта е море без дно
и небо со ѕвезди во бесконечноста“.